Simone Inzaghi þjálfari Inter er að taka við Al-Hilal í Sádi-Arabíu. Fótboltafréttamaðurinn Fabrizio Romano segir þetta og nefnir himinháan launapakka ítalska þjálfarans.
Inzaghi mun fá 26 milljónir evra í árslaun eftir skatt, sem samsvarar 500 þúsund evrum á viku. Samningurinn gildir í tvö ár, eða til sumarsins 2027.
Hans fyrsta verkefni verður að sannfæra Theo Hernández um að skipta úr ítalska boltanum og til Al-Hilal, en félagið er þegar búið að ná samkomulagi við AC Milan um kaupverð.
Al-Hilal er einnig orðað við fleiri stóra bita úr ítalska boltanum og gæti Inzaghi hjálpað félaginu að tryggja sér þjónustu þeirra fyrir upphafsflautið á HM félagsliða í sumar.
Al-Hilal er með Real Madrid, RB Salzburg og Pachuca í riðli á HM.
Athugasemdir
