Birta fagnar markinu sínu.
Valur 0 - 3 Breiðablik
0-1 Birta Georgsdóttir ('6)
0-2 Agla María Albertsdóttir ('8)
0-3 Lillý Rut Hlynsdóttir ('53 , sjálfsmark)
0-1 Birta Georgsdóttir ('6)
0-2 Agla María Albertsdóttir ('8)
0-3 Lillý Rut Hlynsdóttir ('53 , sjálfsmark)
Lestu um leikinn: Valur 0 - 3 Breiðablik
Breiðablik heimsótti Val í stórleik í Bestu deild kvenna í dag en topplið Blika lenti ekki í vandræðum á Hlíðarenda.
Valskonur eru að eiga afleitt tímabil og sitja um miðja deild sem stendur, aðeins fimm stigum fyrir ofan fallsæti. Þær voru rétt fyrir ofan fallsætið um miðjan júní.
Í dag skoraði Agla María Albertsdóttir fyrsta markið snemma leiks eftir góðan undirbúning frá Birtu Georgsdóttur sem hljóp upp hægri vænginn og gaf góða fyrirgjöf.
Agla María endurlaunaði Birtu greiðann tveimur mínútum síðar þegar hún átti háa sendingu innfyrir vörnina. Birta gerði allt rétt og kláraði færið sitt vel til að tvöfalda forystuna.
Það var annars lítið að frétta í bragðdaufum slag þar sem heimakonur í liði Vals ógnuðu ekki mikið. Blikar innsigluðu sigurinn snemma í síðari hálfleik þegar Lillý Rut Hlynsdóttir skallaði hornspyrnu frá Öglu Maríu í eigið net.
Meira gerðist ekki svo lokatölur urðu 0-3 fyrir Breiðablik.
Blikar eru með sex stiga forystu á toppi deildarinnar, en næstu tvö lið eiga leik til góða.
Valur er með 15 stig eftir 12 umferðir - heilum 16 stigum á eftir Breiðabliki.
Athugasemdir
