KR-ingar eru vongóðir um að Kjartan Henry Finnbogason muni leika með KR ef hann flytur heim til Íslands í sumar eins og útlit er fyrir en mbl.is greinir frá þessu í dag.
Kjartan samdi á dögunum við Esbjerg í dönsku B-deildinni út júní en hann mun spila með Ólafi Kristjánssyni og lærisveinum hans út tímabilið.
Kjartan samdi á dögunum við Esbjerg í dönsku B-deildinni út júní en hann mun spila með Ólafi Kristjánssyni og lærisveinum hans út tímabilið.
Mbl.is hefur heimildir fyrir því að KR hafi átt viðræður við Kjartan og búist við því að hann muni leika með KR í sumar.
Páll Kristjánsson, formaður knattspyrnudeildar KR, sagðist þó ekki geta tjáð sig um málið þegar mbl.is hafði samband við hann vegna þessa. Lét einungis hafa eftir sér að Kjartan Henry sé sannarlega velkominn í KR þegar hann kýs að snúa heim.
Hinn 34 ára gamli Kjartan Henry hafði verið orðaður við heimkomu áður en hann samdi við Esbjerg en orðrómur var um að hann myndi ganga til liðs við Val.
„Ég var búinn að heyra í klúbbum heima. Ég held að það segi sig sjálft að KR er minn klúbbur á Íslandi og ég var búinn að heyra í þeim. Síðan voru aðrir klúbbar búnir að hafa samband. Það þyrfti ansi mikið til að ég fari í annað lið en KR svo maður sé hreinskilinn. Ég ætti erfitt með að sjá það fyrir mér. Þetta er samt fljótt að breytast og maður hefur verið að reka sig á það í þessum heimi," sagði Kjartan Henry sjálfur við Fótbolta.net í vikunni.
Athugasemdir
