Tottenham hefur gert munnlegt samkomulag við Ange Postecoglou sem mun taka við stjórnartaumunum hjá félaginu. Tottenham þarf nú að semja við Celtic í Glasgow um greiðslu á bótum.
Guardian greinir frá því að Tottenham og Postecoglou hafi náð munnlegu samkomulagi um tveggja ára samning, með möguleika á eins árs framlengingu.
Celtic vann þrennuna undir stjórn Postecoglou á þessu tímabili; skoska meistaratitilinn, bikarinn og deildabikarinn.
Tottenham hefur ekki verið með fastráðinn stjóra síðan Antonio Conte hætti í mars. Cristian Stellini og síðan Ryan Mason tóku við sem bráðabirgðastjórar. Tímabil Tottenham var vonbrigði og liðið endaði í áttunda sæti, missti af Evrópusæti.
Postecoglou hefur gert magnaða hluti hjá Celtic síðan hann tók við liðinu 2021. Hann var áður stjóri Yokohama F. Marinos í Japan Brisbane Roar og Melbourne Victory í Ástralíu.
Athugasemdir
