Alexander Isak.
Isak vill fara frá Newcastle.
Alexander Isak er mættur aftur til æfinga hjá Newcastle en hann er að berjast fyrir því að komast til Liverpool. Fyrir helgi gerði Liverpool 110 milljón punda tilboð í leikmanninn sem Newcastle hafnaði.
Framherjinn vill fara til Liverpool og verið mjög skýr með að vilja ganga í raðir Englandsmeistarana.
Framherjinn vill fara til Liverpool og verið mjög skýr með að vilja ganga í raðir Englandsmeistarana.
Benedikt Bóas Hinriksson, stuðningsmaður Newcastle, var gestur í útvarpsþættinum Fótbolti.net og var þar spurður út í stöðu Isak.
„Ég vona að við höldum honum sem lengst. Hann er bundinn þarna í þrjú ár. Hann skrifaði undir einhvern fimm ára samning. Máttur leikmanna er orðinn svo mikill, þeir fara bara í verkfall," sagði Benedikt Bóas.
„Newcastle þarf í raun ekki þessar 150 milljónir punda. Þeir eiga nægan pening. Það væri helvítis skita að missa besta framherja í heimi. Ég vona að þetta verði þannig að Alexander Isak verði frystur og við greiðum honum þessi laun því okkur munar ekkert um það. Þetta verði í fyrsta sinn sem félagið stendur keikt gegn sínum leikmanni."
„Samband Newcastle og Alexander Isak er búið. Við vorum með þjóðfána Svíþjóðar í norðurstúkunni, töluna 14 í suðurstúkunni og það stóð Isak í miðjustúkunni. Það samband er bara dautt," sagði Benedikt Bóas en það hefur ekki gengið vel hjá Newcastle í sumar.
Hægt er að hlusta á umræðuna í spilaranum hér að neðan.
Athugasemdir
