Börsungar voru án Lamine Yamal, Raphinha og fleiri öflugra leikmanna gegn Sevilla en það var engin afsökun enda liðið með stóran og gæða mikinn hóp.

Sevilla komst í tveggja marka forystu á rúmum hálftíma. Alexis Sanchez skoraði gegn sínum gömlu félögum með marki úr vítaspyrnu á 13. mínútu og bætti Isaac Romero við öðru á 36. mínútu.

Enski sóknarmaðurinn Marcus Rashford minnkaði muninn fyrir Barcelona undir lok fyrri hálfleiks en þetta er sjöundi leikurinn í röð sem hann kemur að marki hjá spænska stórliðinu.

Robert Lewandowski fékk tækifæri til að jafna metin þegar stundarfjórðungur var til leiksloka en klikkaði af vítapunktinum og í kjölfarið náðu heimamenn að ganga frá Börsungum með tveimur mörkum undir lok leiks.

Jose Carmona skoraði á 90. mínútu og Akor Adams síðan fjórða markið og annan leikinn í röð þegar lítið var eftir. Mögnuð frammistaða hjá Sevilla sem er komið upp í 4. sæti með 13 stig en Barcelona í öðru með 19 stig.

Alaves 3 - 1 Elche
1-0 Carlos Vicente ('76 , víti)
2-0 Toni Martinez ('81 )
3-0 Lucas Boye ('90 )
3-1 Andre Silva ('90 )
Rautt spjald: David Affengruber, Elche ('79)

Sevilla 4 - 1 Barcelona
1-0 Alexis Sanchez ('13 , víti)
2-0 Isaac Romero Bernal ('36 )
2-1 Marcus Rashford ('45 )
2-1 Robert Lewandowski ('76 , Misnotað víti)
3-1 Akor Adams ('90 )
4-1 Jose Carmona ('90 )