Gestirnir frá Nottingham nýttu færin sín ótrúlega vel í kvöld þar sem þeir skoruðu þrjú mörk úr þremur marktilraunum sem hæfðu rammann.

Úlfunum tókst hins vegar ekki að skora þrátt fyrir að stjórna leiknum á löngum köflum og eiga góðar marktilraunir, þar á meðal sex sem hæfðu rammann. Matz Sels hefur verið í miklu stuði með Forest á tímabilinu og hélt áfram í kvöld, hann fær 8 í einkunn hjá Sky Sports en er þó ekki valinn sem besti leikmaður vallarins.

Liðsfélagi hans Morgan Gibbs-White fær sömu einkunn og er útnefndur sem besti leikmaður vallarins en hann skoraði fyrsta mark leiksins og var öflugur á miðsvæðinu.

Callum Hudson-Odoi, Ola Aina og Nicolás Domínguez fá einnig 8 fyrir sinn þátt í sigrinum.

Norðmaðurinn Jörgen Strand Larsen var versti maður vallarins með 4 í einkunn. Rodrigo Gomes var besti leikmaður Úlfanna með 7 í einkunn en aðrir leikmenn liðsins fengu ýmist 5 eða 6 fyrir sinn þátt.

Wolves: Sa (6), Lima (6), Doherty (5), Bueno (6), R Gomes (7), Doyle (5), J Gomes (6), Ait-Nouri (6), Guedes (6), Strand Larsen (4), Hwang (5).
Varamenn: Lemina (5), Bellegarde (6), Sarabia (5), Forbs (6).

Nott. Forest: Sels (8), Aina (8), Milenkovic (7), Murillo (7), Williams (7), Dominguez (8), Anderson (7), Gibbs-White (8), Elanga (7), Wood (7), Hudson-Odoi (8).
Varamenn: Morato (6), Silva (6), Yates (6), Awoniyi (7), Ward-Prowse (7).