Steve Cooper var kátur eftir 1-0 sigur Nottingham Forest í fallbaráttuslag gegn Leeds United í gær.
Leeds var sterkari aðilinn en átti í vandræðum með að skapa sér góð færi. Þegar sóknarmenn liðsins komust í álitlegar stöður vantaði gæðin til að klára.
Keylor Navas, sem er nýkominn til Forest á lánssamningi frá franska stórvelinu PSG, var í byrjunarliðinu og átti frábæran leik. Hann varði nokkrum sinnum vel og tókst að halda hreinu í frumraun sinni í enska boltanum.
„Hann á hrós skilið fyrir að bjarga þessum stigum. Hann var frábær í leiknum, alltaf svo yfirvegaður. Hann tók alltaf réttar ákvarðanir og gerði engin mistök," sagði Cooper þegar hann var spurður út í frammistöðu Navas að leikslokum. Hann var þó ekki sáttur með frammistöðu liðsins.
„Ef ég á að segja eins og er þá var ég vonsvikinn með spilamennskuna í dag. Við getum gert miklu betur og þurfum að vinna í því að bæta okkur.
„Þetta er líklega í fyrsta sinn sem við spilum illa og fáum samt eitthvað úr leiknum. Við höfum spilað mun betur í fortíðinni og tapað þeim leikjum, þannig að strákarnir áttu skilið að vinna einn svona leik. Við tökum þessi stig og höldum áfram okkar vegferð."
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 14 | 10 | 3 | 1 | 27 | 7 | +20 | 33 |
| 2 | Man City | 14 | 9 | 1 | 4 | 32 | 16 | +16 | 28 |
| 3 | Aston Villa | 14 | 8 | 3 | 3 | 20 | 14 | +6 | 27 |
| 4 | Chelsea | 14 | 7 | 3 | 4 | 25 | 15 | +10 | 24 |
| 5 | Crystal Palace | 14 | 6 | 5 | 3 | 18 | 11 | +7 | 23 |
| 6 | Sunderland | 14 | 6 | 5 | 3 | 18 | 14 | +4 | 23 |
| 7 | Brighton | 14 | 6 | 4 | 4 | 24 | 20 | +4 | 22 |
| 8 | Man Utd | 14 | 6 | 4 | 4 | 22 | 21 | +1 | 22 |
| 9 | Liverpool | 14 | 7 | 1 | 6 | 21 | 21 | 0 | 22 |
| 10 | Everton | 14 | 6 | 3 | 5 | 15 | 17 | -2 | 21 |
| 11 | Tottenham | 14 | 5 | 4 | 5 | 23 | 18 | +5 | 19 |
| 12 | Newcastle | 14 | 5 | 4 | 5 | 19 | 18 | +1 | 19 |
| 13 | Brentford | 14 | 6 | 1 | 7 | 21 | 22 | -1 | 19 |
| 14 | Bournemouth | 14 | 5 | 4 | 5 | 21 | 24 | -3 | 19 |
| 15 | Fulham | 14 | 5 | 2 | 7 | 19 | 22 | -3 | 17 |
| 16 | Nott. Forest | 14 | 4 | 3 | 7 | 14 | 22 | -8 | 15 |
| 17 | Leeds | 14 | 4 | 2 | 8 | 16 | 26 | -10 | 14 |
| 18 | West Ham | 14 | 3 | 3 | 8 | 16 | 28 | -12 | 12 |
| 19 | Burnley | 14 | 3 | 1 | 10 | 15 | 28 | -13 | 10 |
| 20 | Wolves | 14 | 0 | 2 | 12 | 7 | 29 | -22 | 2 |
