Það komu nokkrir Íslendingar við sögu í æfingaleikjum í dag þar sem Elías Rafn Ólafsson varði mark Midtjylland í 1-0 sigri gegn suður-kóresku meisturunum í Ulsan Hyundai.
Elías Rafn er 22 ára gamall og verður áhugavert að fylgjast með honum í Danmörku í sumar.
Hörður Ingi Gunnarsson og Valdimar Þór Ingimundarson voru þá í byrjunarliði Sogndal sem tapaði gegn Álaborg í miklum markaleik. Jónatan Ingi Jónsson byrjaði á bekknum hjá Sogndal.
Lokatölur urðu 3-5 fyrir Álaborg en enginn Íslendingur komst á blað.
Að lokum tapaði Tromsö fyrir Gautaborg og var Hilmir Rafn Mikaelsson í byrjunarliði Tromsö. Hilmir er 19 ára gamall og með treyju númer 9 hjá norska félaginu.
Midtjylland 1 - 0 Ulsan Hyundai
Sogndal 3 - 5 Aalborg
Tromsö 0 - 2 Göteborg
Athugasemdir
