Eddie Howe þjálfari Newcastle var stoltur af framlagi leikmanna sinna í 2-1 tapi gegn Manchester City er liðin mættust í ensku úrvalsdeildinni í gærkvöldi.
Öll mörk leiksins komu á þrettán mínútna kafla í fyrri hálfleik þar sem Nico O'Reilly skoraði bæði mörk Man City. Þetta var fyrsti tapleikur Newcastle eftir þrjá sigurleiki í röð á erfiðum útivöllum, þar sem lærlingar Howe sigruðu gegn Tottenham, Aston Villa og Qarabag áður en þeir heimsóttu Manchester.
„Miðað við alla orkuna sem við höfum lagt í leikina síðustu vikur þá var þetta góð frammistaða. Þetta var ekki nægilega gott en við gáfum þeim alvöru leik, við vorum jafningjar á vellinum. Við vorum inni í leiknum allan tímann en það er ekki nógu gott. Ég er aðallega vonsvikinn með varnarleikinn í mörkunum þeirra," sagði Howe eftir lokaflautið.
„Strákarnir höfðu allan tímann trú á því að geta fengið eitthvað úr þessum leik og (Harvey) Barnes komst nálægt því með skotinu sínu undir lokin, en hann (Gianluigi Donnarumma) gerði vel að verja.
„Strákarnir voru hugrakkir í dag, þeir djöfluðust í andstæðingunum og gáfu ekkert eftir. Við spiluðum maður á mann og það gekk vel. Það sem okkur vantaði var herslumunurinn á lokaþriðjungnum, það vantaði upp á gæðin í ákvarðanatöku leikmanna og úrslitasendingum. Við komumst nokkrum sinnum í mjög góðar stöður sem við áttum að gera betur úr.
„Ég er ánægður með frammistöðuna í þessum leik og síðustu leikjum á undan. Svo lengi sem við höldum áfram að spila með þessum hætti þá er ég ánægður, úrslitin skipta ekki öllu máli. Við erum á leið í rétta átt."
Newcastle er óvænt aðeins um miðja deild með 36 stig eftir 27 umferðir, heilum níu stigum frá baráttunni um meistaradeildarsæti fyrir næstu leiktíð.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 31 | 21 | 7 | 3 | 61 | 22 | +39 | 70 |
| 2 | Man City | 30 | 18 | 7 | 5 | 60 | 28 | +32 | 61 |
| 3 | Man Utd | 31 | 15 | 10 | 6 | 56 | 43 | +13 | 55 |
| 4 | Aston Villa | 31 | 16 | 6 | 9 | 42 | 37 | +5 | 54 |
| 5 | Liverpool | 31 | 14 | 7 | 10 | 50 | 42 | +8 | 49 |
| 6 | Chelsea | 31 | 13 | 9 | 9 | 53 | 38 | +15 | 48 |
| 7 | Brentford | 31 | 13 | 7 | 11 | 46 | 42 | +4 | 46 |
| 8 | Everton | 31 | 13 | 7 | 11 | 37 | 35 | +2 | 46 |
| 9 | Fulham | 31 | 13 | 5 | 13 | 43 | 44 | -1 | 44 |
| 10 | Brighton | 31 | 11 | 10 | 10 | 41 | 37 | +4 | 43 |
| 11 | Sunderland | 31 | 11 | 10 | 10 | 32 | 36 | -4 | 43 |
| 12 | Newcastle | 31 | 12 | 6 | 13 | 44 | 45 | -1 | 42 |
| 13 | Bournemouth | 31 | 9 | 15 | 7 | 46 | 48 | -2 | 42 |
| 14 | Crystal Palace | 30 | 10 | 9 | 11 | 33 | 35 | -2 | 39 |
| 15 | Leeds | 31 | 7 | 12 | 12 | 37 | 48 | -11 | 33 |
| 16 | Nott. Forest | 31 | 8 | 8 | 15 | 31 | 43 | -12 | 32 |
| 17 | Tottenham | 31 | 7 | 9 | 15 | 40 | 50 | -10 | 30 |
| 18 | West Ham | 31 | 7 | 8 | 16 | 36 | 57 | -21 | 29 |
| 19 | Burnley | 31 | 4 | 8 | 19 | 33 | 61 | -28 | 20 |
| 20 | Wolves | 31 | 3 | 8 | 20 | 24 | 54 | -30 | 17 |
Athugasemdir
