Thomas Müller spilaði sinn síðasta leik fyrir FC Bayern þegar liðið datt úr leik á HM félagsliða í gær.
Müller fékk að spila síðasta stundarfjórðunginn í 2-0 tapi gegn Paris Saint-Germain í 8-liða úrslitum mótsins.
Þessi 35 ára gamli leikmaður, sem verður 36 í september, er orðinn samningslaus eftir að hafa leikið fyrir Bayern allan ferilinn.
Müller hefur verið hjá Bayern í 25 ár. Á þeim tíma hefur hann skorað 250 mörk í 756 keppnisleikjum fyrir aðalliðið, en hann spilaði sinn fyrsta leik með meistaraflokki tímabilið 2008-09.
Müller tók þátt í 49 leikjum með Bayern á nýliðnu tímabili og kom að 16 mörkum. Félagið kaus þó gegn því að gera nýjan samning við þessa goðsögn sem hefur unnið allar mögulegar keppnir með Bayern.
Müller lagði landsliðsskóna á hilluna eftir EM í fyrra en hann skoraði 45 mörk í 131 landsleik fyrir Þýskaland.
Thomas Muller's last goodbye in a Bayern Munich shirt
byu/oklolzzzzs insoccer
Athugasemdir
