Luis Enrique, þjálfari Paris Saint-Germain, mátti til með að grínast aðeins með þann stimpil sem franska deildin hefur fengið á sig síðustu ár eftir að PSG vann Arsenal og komst í úrslit Meistaradeildarinnar í kvöld.
Oft hefur verið talað um frönsku deildina sem „bændadeild“, en þá er átt við að þar séu einungis fótboltamenn að sinna þessu sem áhugamáli og að stjörnur nái frekar að skína þar enda sé það að mæta töluvert slakari andstæðingum en má tildæmis finna á Englandi, Ítalíu, Spáni og Þýskalandi.
Hann var spurður út í sigurinn á Arsenal og hvernig það hafi verið að vinna þrjú ensk úrvalsdeildarfélög á leið inn í úrslitin og náði Enrique að skjóta aðeins á gagnrýnendur.
„Við erum í 'bændadeildinni' er það ekki? Við erum þar, en jú auðvitað er þetta notalegt. Ekki bara úrslitin heldur allt hrósið sem við höfum fengið,“ sagði Enrique.
PSG er á leið í úrslit í annað sinn í sögu félagsins, en árið 2020 tapaði það fyrir Bayern München fyrir luktum dyrum vegna Covid-faraldursins.
Athugasemdir