Hollenski miðjumaðurinn Tijjani Reijnders er á leið í læknisskoðun hjá enska úrvalsdeildarfélaginu Manchester City en það er Sky Sports sem segir frá þessu í dag.
Reijnders er 26 ára gamall og verið með allra bestu miðjumönnum Seríu A á tímabilinu.
Man City náði samkomulagi við Milan um kaup á Reijnders á dögunum og er hann nú á leið í læknisskoðun.
Kaupverðið nemur um 46,3 milljónum punda. Að læknisskoðuninni lokinni mun Reijnders skrifa undir fimm ára samning við lærisveina Pep Guardiola.
Á næstu dögum mun Man City klára kaup á tveimur leikmönnum til viðbótar, þeim Rayan Ait-Nouri frá Wolves og Rayan Cherki frá Lyon.
Athugasemdir
