Kvennalið Manchester City vann Manchester United 1-0 í fyrsta leik liðanna í ofurdeildinni á Englandi í dag en ótrúleg aðsókn var á leikinn.
Caroline Weir gerði eina mark leiksins en hún gerði það í upphafi síðari hálfleiks.
Metaðsókn var á leikinn en 31 þúsund áhorfendur mættu til að horfa á grannaslaginn. Fyrra metið var rúmlega 5 þúsund á leik Brighton og Arsenal en það var slegið á síðustu leiktíð.
Það má þó búast við því að nýja metið verði slegið á morgun er Chelsea mætir Tottenham á Stamford Bridge en völlurinn tekur 41 þúsund manns í sæti og er svo gott sem uppselt á leikinn.
Hér fyrir neðan má sjá markið úr leiknum í dag.
😍 Sweet, @itscarolineweir!
— Barclays FA Women's Super League (@BarclaysFAWSL) September 7, 2019
🙌 A wonderful goal for @ManCity to open the @BarclaysFAWSL season! pic.twitter.com/AmK2A5oLM7
Athugasemdir