Enska úrvalsdeildarfélagið Watford íhugar nú að reka spænska knattspyrnustjórann Javi Gracia en fjölmargir miðlar á Englandi greina frá þessu.
Watford hefur byrjað leiktíðina skelfilega en liðið er í botnsætinu eftir fjóra leiki með þrjú töp og eitt jafntefli.
Liðið hefur þá aðeins skorað tvö mörk og fengið á sig átta en félagið er nú byrjað að horfa í kringum sig og gæti Gracia fengið sparkið á næstu dögum.
Samkvæmt ensku miðlunum þá mun Quique Sanchez Flores taka við liðinu en hann stýrði Watford frá 2015-2016.
Hann var síðast að þjálfa Shanghai Shenhua í Kína en yfirgaf félagið í júlí og er því laus allra mála.
Athugasemdir
