Rútan sem átti að ferja leikmenn meistaraflokk kvenna í knattspyrnu og handbolta lenti í árekstri í dag. Þetta kemur fram í Facebook færslu ÍBV þar sem er einnig tekið fram að engin slasaðist en þó eru einhverjar aumar eftir áreksturinn.
ÍBV átti leik við HK í knattspyrnu í dag sem fór 5-0 HK í vil. Um er að ræða leik í lokaumferð Lengjudeildar kvenna. ÍBV hafnaði í 6. sæti deildarinnar eftir að hafa fallið úr Bestu deildinni í fyrra.
Handboltaliðið átti leik á höfuðborgarsvæðinu einnig en þær mættu Gróttu á Seltjarnarnesinu. Eyjakonur unnu þann leik 23-21.
Tilkynning ÍBV:
„Til upplýsinga!
Meistaraflokkar kvenna í handbolta og fótbolta voru að ferðast saman í rútu í dag þar sem bæði lið áttu útileiki.
Þær lentu í árekstri á leiðinni heim, en sem betur fer sluppu allar vel, einhverjir aumar en annars allar óslasaðar“
