Fótbolti.net

lau 08. mars 2025 16:47

Brynjar Ingi Erluson

Þýskaland: Stórliðin töpuðu óvænt á heimavelli

Joao Palhinha sá rautt í tapi Bayern

Mynd: EPA

Leverkusen tapaði fyrir Bremen

Mynd: EPA

Bayer Leverkusen, Bayern München og Borussia Dortmund töpuðu öll óvænt á heimavelli í 25. umferð þýsku deildarinnar í dag.

Topplið Bayern tapaði fyrir Bochum, 3-2, á Allianz-leikvanginum í München.

Raphael Guerreiro kom Bayern í tveggja marka forystu á fyrsta hálftímanum og yfirleitt þegar Bayern kemst í slíka forystu þá er sigur formsatriði — en ekki í dag.

Jakov Medic minnkaði muninn á 31. mínútu og það versnaði fyrir Bayern þegar portúgalski miðjumaðurinn Joao Palhinha fékk að líta rauða spjaldið undir lok hálfleiksins.

Bochum nýtti sér liðsmuninn og stal sigrinum í síðari hálfleiknum, en Ibrahima Sissoko jafnaði strax í byrjun hálfleiksins og þá gerði Matus Bero sigurmarkið þegar tuttugu mínútur voru til leiksloka.

Óvænt tap Bayern en liðið slapp hins vegar með skrekkinn því þeirra helsti keppinautur í titilbaráttunni, Bayer Leverkusen, tapaði líka óvænt.

Leverkusen laut í lægra haldi fyrir Werder Bremen, 2-0, á Bay-Arena.

Romano Schmid skoraði fyrir Bremen í fyrri hálfleiknum og þá gekk Justin Nijnmah endanlega frá meisturunum með marki seint í uppbótartíma.

Leverkusen missti þarna af gullnu tækifæri til að saxa á forystu í Bayern en staðan er nú þannig að Bayern er áfram með 61 stig í efsta sæti en Leverkusen átta stigum á eftir í öðru sætinu.

Borussia Dortmund, sem hefur verið eitt besta lið Þýskalands síðustu ár, tapaði líka á heimavelli, en það beið lægri hlut fyrir Augsburg. Jeffrey Gouweleeuw skoraði markið eftir rúmar tuttugu mínútur.

Dortmund hefur verið í miklu veseni á þessu tímabili en það er í 10. sæti með aðeins 35 stig.

Bayer 0 - 2 Werder
0-1 Romano Schmid ('7 )
0-2 Justin Njinmah ('90 )

Bayern 2 - 3 Bochum
1-0 Raphael Guerreiro ('14 )
1-0 Serge Gnabry ('22 , Misnotað víti)
2-0 Raphael Guerreiro ('28 )
2-1 Jakov Medic ('31 )
2-2 Ibrahima Sissoko ('51 )
2-3 Matus Bero ('71 )
Rautt spjald: Joao Palhinha, Bayern ('43)

Borussia D. 0 - 1 Augsburg
0-1 Jeffrey Gouweleeuw ('23 )

Wolfsburg 1 - 1 St. Pauli
0-1 Siebe Van Der Heyden ('38 )
1-1 Mohamed Amoura ('70 , víti)

Holstein Kiel 2 - 2 Stuttgart
0-1 Jamie Leweling ('15 )
1-1 Steven Skrzybski ('30 )
2-1 Steven Skrzybski ('46 )
2-2 Ermedin Demirovic ('55 )
Rautt spjald: Leonidas Stergiou, Stuttgart ('53)

		L	U	J	T	ms:	mf:	mun	Stig
1	Bayern	27	22	4	1	97	25	+72	70
2	Dortmund	27	18	7	2	58	28	+30	61
3	Stuttgart	27	16	5	6	56	36	+20	53
4	RB Leipzig	27	15	5	7	53	35	+18	50
5	Hoffenheim	27	15	5	7	54	39	+15	50
6	Leverkusen	27	13	7	7	52	36	+16	46
7	Frankfurt	27	10	8	9	50	51	-1	38
8	Freiburg	27	10	7	10	39	44	-5	37
9	Union Berlin	27	8	7	12	31	46	-15	31
10	Augsburg	27	9	4	14	33	50	-17	31
11	Mainz	27	7	9	11	33	42	-9	30
12	Hamburger	27	7	9	11	31	40	-9	30
13	Gladbach	27	7	8	12	33	46	-13	29
14	Werder	27	7	7	13	30	47	-17	28
15	Köln	27	6	8	13	38	47	-9	26
16	St. Pauli	27	6	6	15	24	44	-20	24
17	Wolfsburg	27	5	6	16	35	57	-22	21
18	Heidenheim	27	3	6	18	27	61	-34	15