Einhverjir Íslendingar hafa horft á sjónvarpsþættina 'Sundrland 'til I die' sem hægt er að nálgast á Netflix. Þar er fylgst með gangi mála hjá Sunderland og í þáttaröð tvö tekur liðið þátt í neðrideildabikarnum sem í dag er kallaður 'Leasing.com Trophy' á Englandi vegna styrktaraðilans.
Þar mætast lið í C- og D-deildinni ásamt 16 U-23 ára liðum, alls 64 lið sem taka þátt. Umræða skapaðist í útvarpsþættinum Fótbolti.net um hvort möguleiki væri á að halda einhvers konar neðrideildarbikar á Íslandi.
„Ég held að þetta geti verið skemmtilegt. Í neðri deildunum er leikjaálagið ekki mikið, spilaður einn leikur í vikur og 4. deildin búin um miðjan ágúst."
„Hægt væri að hafa keppnina svæðisskipta í byrjun og 4. deildarliðin gætu byrjað á undan," sagði Magnús Már Einarsson.
Í kjölfarið þróaðist umræðan um hvar úrslitaleikurinn færi fram og rætt var möguleikann að spila á annað hvort Laugardalsvelli eða á Kaplakrikavelli.
„Er þetta ekki góður föstudagsleikur, neðrideildar ástríða," sagði Elvar Geir Magnússon.
Hlusta má á umræðuna í spilaranum hér að neðan og hefst hún á 14. mínútu.
Horfandi á Sunderland ‘til I die þá skil ég ekki af hverju við erum ekki með bikarkeppni neðri deildar. Held þetta væri geggjað að fá úrslitaleik í Laugardalnum eða Hlíðarenda. Völsungur vs Fjarðabyggð sem dæmi, bein útsending og fullt af fólki. Ég myndi mæta
— saevar petursson (@saevarp) April 4, 2020
Athugasemdir
