Tariq Lamptey, leikmaður Brighton, hefur skrifað undir nýjan eins árs samning við félagið.
Lamptey er 24 ára gamall hægri bakvörður sem hefur gegnt lykilhlutverki í liði Brighton síðustu ár.
Hann spilaði aðeins fimmtán deildarleiki á síðustu leiktíð vegna meiðsla og skoraði tvö mörk.
Útlit var fyrir að hann væri á förum frá félaginu, en samningur hans átti að renna út um mánaðamótin. Brighton bauð honum eins árs framlengingu sem Lamptey samþykkti og er Fabian Hürzeler, stjóri félagsins, í skýjunum með þá ákvörðun.
„Við erum í skýjunum með að Tariq verði áfram hér. Hann vill hjálpa liðinu að ná markmiðum sínum og gefur okkur meiri breidd á vængstöðunum. Við hlökkum til að hafa Tariq sem hluta af okkar vegferð á næsta tímabili,“ sagði Hürzeler.
Abdallah Sima, Sebastian Jensen, Harry Mills, Odel Offiah og Jamie Mullins framlengdu einnig við félagið.
Tariq has agreed a new contract alongside Abdallah Sima, Sebastian Jensen, Harry Mills, Odel Offiah and Jamie Mullins. ????
— Brighton & Hove Albion (@OfficialBHAFC) June 9, 2025
Athugasemdir
