Íslenska landsliðið er mætt til Norður-Írlands þar sem Strákarnir okkar eiga æfingaleik á þriðjudagskvöldið.
Strákarnir stóðu sig vel í æfingaleik gegn Skotlandi fyrir helgi sem þeir sigruðu 1-3 og er Arnór Ingvi Traustason sáttur með frammistöðu liðsins.
„Það var margt mjög jákvætt í þessu, ég er ánægður með hvernig við framkvæmdum hlutina sem var búið að fara yfir," sagði Arnór Ingvi í viðtali við Fótbolta.net.
Ísland er að spila sína fyrstu leiki undir stjórn Arnars Gunnlaugssonar þar sem mikið er um áherslubreytingar. Það getur tekið tíma fyrir Strákana að venjast leikstílnum sem Arnar vill láta landsliðið spila.
„Við erum að taka inn fullt af upplýsingum og höfum sýnt góðar framfarir á stuttum tíma, en við getum gert ennþá betur."
Ísland er í riðli með Frakklandi, Úkraínu og Aserbaídsjan í undankeppni HM. Ísland hefur leik á heimavelli gegn Aserbaídsjan í september.
„Mér finnst við eiga mjög góða möguleika á að komast á HM. Við mætum mjög sterkum andstæðingum og það er gríðarlega mikilvægt fyrir okkur að sigra fyrsta leikinn."
Restina af viðtalinu má sjá í spilaranum hér fyrir ofan.
Athugasemdir
