„Alltaf gott að vinna. Við skorum þrjú mörk sem er mikilvægt. Tökum færin okkar vel og varnarleikur góður, þannig að tilfinningin er mjög góð.'' segir Óskar Smári Haraldsson, þjálfari Fram, eftir 3-1 sigur gegn Stjörnunni í Bestu deild kvenna.
Lestu um leikinn: Fram 3 - 1 Stjarnan
„Eftir við hættum að tala um úrslit og fórum að tala um frammistöðu, þá höfum við verið að ná í ágætis úrslit. Varnarlega var frammistaðan mjög góð í dag. Ég var ekki nógu sáttur með spilamennskuna á boltann, ég get alveg verið heiðarlegur með það. Heilt yfir get ég ekki kvartað mikið,''
Þið voruð alveg með leikinn, þá sérstaklega í fyrri hálfleik svo missið þið taktinn í loka mínútum leiksins. Hvað gerist þar?
„Það er svo gaman að vera ósammála. Mér fannst við vera með tökin á boltann í fyrri hálfleik, já. Þær voru ekki að skapa sér mikið Stjarnan, en þær voru samt allt of mikið með boltann. Við vildum vera ofar á vellinum en við þurftum að verja okkar mark. Í seinni hálfleik þega við skorum þriðja markið þá fer vindurinn smá frá Stjörnunni og þá fannst mér leikurinn deyja út og stelpurnar gera feyki vel að 'see the game out' eins og er sagt á ensku,''
Fram spilar gegn Val í næstu umferð sem hafa ekki sigrað leik í seinustu 5 leikjum. Ætlið þið að gera það að 6 leikjum?
„Það er alltaf markmiðið. Við þurfum líka að bera virðingu fyrir því að við erum að spila á móti bikarmeisturum frá í fyrra með hörku lið og góðan þjálfara,''
„Við erum á fínni siglingu. Það vantar fjóra leikmenn og Ólína Hildur var næstum búin að skora fjórða markið. Við erum á góðum stað og það er bara mikil stemning og fjör. Svo getur alveg verið að við töðum næsta leik og þá megum við ekki fara of neðarlega. Við megum ekki fara of hátt í tilfinningar skalanum, ég er búinn að segja þetta áður og segi þetta aftur,''
Hægt er að horfa á viðtalið í heild sinni hér fyrir ofan.
