Fabrizio Romano er meðal fréttamanna sem greina frá miklum áhuga Juventus á Marco Ottolini í starf yfirmanns fótboltamála hjá félaginu.
Staðan hefur verið laus síðan Cristiano Giuntoli var rekinn í júní, en Ottolini hefur undanfarin ár sinnt sama hlutverki hjá Genoa.
Hann hefur haft yfirumsjón yfir kaupum félagsins á mörgum leikmönnum undanfarin þrjú ár, meðal annars kaupum á Mikael Agli Ellertssyni úr röðum Venezia. Mikael virðist strax vera búinn að festa sig í sessi sem byrjunarliðsmaður hjá Genoa þar sem hann er búinn að vera í byrjunarliðinu síðustu fimm deildarleiki í röð.
Damien Comolli, stjórnandi hjá Juventus, sinnir hlutverki yfirmanns fótboltamála þar til nýr maður er ráðinn.
Athugasemdir
