Guðni var ekki með Óskar Smára með sér. Óskar varð eftir fyrir norðan.
„Því miður gekk þetta ekki upp, mér fannst við koma mjög vel út í seinni hálfleikinn og fannst við eiga meira skilið út úr þessu en tap. Ofboðslega súrt að fá á sig þetta mark í byrjun seinni leiksins þegar mér fannst vera ákveðið móment með okkur," sagði Guðni Þór Einarsson, þjálfari Tindastóls, eftir tap gegn Fylki í kvöld.
Lestu um leikinn: Fylkir 2 - 1 Tindastóll
Guðni var spuður út í sóknarleik Tindastóls í leiknum. „Með örlítilli heppni hefðu stöður einn á móti markmanni getað dottið með okkur og hrist upp í leiknum."
Fylkir var mikið að vinna með skot rétt fyrir utan teig og að taka stuttar hornspyrnur í leiknum. Upp úr einni slíkri kom annað mark Árbæinga.
„Við vorum alveg búnar að loka á stuttu hornin og díla við þau. Ég man ekki eftir horni sem þær komu boltanum fyrir í fyrri hálfleik. Þess vegna er þetta ofboðslega svekkjandi að fá á sig þetta mark. Ég veit ekki alveg hvað gerist, þarf að sjá það aftur."
„Skot fyrir utan teig hafa ekkert verið að hræða mig neitt hingað til, ég er með mögulega besta markmann deildarinnar. En hvað þær voru að opna okkur var mesta áhyggjuefnið, þær eru með góða skotmenn," sagði Guðni.
Hann var einnig spurður út í meiðsli Murielle Tiernan og sitthvað fleira í viðtalinu sem má sjá í heild sinni hér að ofan.
Athugasemdir
