Þýskaland: Marmoush gerði sigurmark Frankfurt

Marmoush hefur samþykkt að ganga í raðir Englandsmeistara Manchester City og verða kaupin líklega frágengin í næstu viku.

Það má því áætla að hann hafi verið að spila sinn síðasta leik með Frankfurt og sá hann til þess að kveðja með því að landa þremur stigum fyrir sína menn.

Markið skoraði hann á 32. mínútu með föstu skoti úr teignum, en hann fagnaði ekki markinu af virðingu við St. Pauli, sem hann lék með árið 2021.

Sigurinn kemur Frankfurt upp í 3. sæti deildarinnar með 30 stig og er Marmoush markahæstur í deildinni ásamt Harry Kane með 14 mörk.

Frankfurt á næst leik á þriðjudag en Marmoush verður líklega ekki í hópnum í þeim leik.

Wolfsburg vann Hoffenheim með einu marki gegn engu og þá lagði Heidenheim lið Unon Berlín, 2-0. Freiburg hafði betur gegn Holsten Kiel í hörkuleik, 3-2, þar sem gestirnir skoruðu tvö mörk á síðustu mínútunum á meðan Jonathan Burkhardt gerði bæði mörk Mainz í 2-0 sigrinum á Bochum.

Hoffenheim 0 - 1 Wolfsburg
0-1 Mohamed Amoura ('29 )

Heidenheim 2 - 0 Union Berlin
1-0 Frans Kratzig ('17 )
2-0 Adrian Beck ('83 )
Rautt spjald: Tom Rothe, Union Berlin ('37)

Freiburg 3 - 2 Holstein Kiel
1-0 Nicolai Remberg ('23 , sjálfsmark)
2-0 Christian Gunter ('38 )
3-0 Vincenzo Grifo ('74 )
3-1 Phil Harres ('85 )
3-2 Phil Harres ('90 )

Mainz 2 - 0 Bochum
1-0 Jonathan Michael Burkardt ('23 )
2-0 Jonathan Michael Burkardt ('69 )

St. Pauli 0 - 1 Eintracht Frankfurt
0-1 Omar Marmoush ('32 )