Einungis 76 dagar eru síðan Klinsmann tók við Hertha Berlin en liðið vann þrjá leiki af tíu undir hans stjórn.

„Sem þjálfari þarf ég að hafa traust hjá fólki. Í fallbaráttu eru samheldni, liðsheild og einbeiting mikilvægustu þættirnir. Ef þeir þættir eru ekki til staðar þá get ég ekki staðið mig vel og sinnt ábyrgð minni sem þjálfari," sagði Klinsmann.

Hertha Berlin tapaði 3-1 gegn Mainz um síðustu helgi en liðið er í 14. sæti í Bundesligunni, sex stigum frá falli.

Klinsmann hafði verið í fríi frá þjálfun í þrjú ár áður en hann tók við Hertha Berlin í desember en hann var áður þjálfari bandaríska landsliðsins í fimm ár.