„Við áttum skot í slána seint í leiknum en það væri of mikið að biðja um þrjú stig," sagði Sean Dyche, knattspyrnustjóri Burnley, eftir 1-1 jafntefli við Liverpool á útivelli.
„Við vörðumst vel og markvörðurinn okkar átti góðan leik. Þeir eru með gott lið og þeir pressa þig rosalega stíft. Við náðum ekki fótfestu í fyrri hálfleik."
„Við vörðumst vel og markvörðurinn okkar átti góðan leik. Þeir eru með gott lið og þeir pressa þig rosalega stíft. Við náðum ekki fótfestu í fyrri hálfleik."
„Ég minnti strákana á það í hálfleik að það væri engin pressa á þeim og sagði þeim að fara bara út á völlinn að spila. Þú verður að finna rétta augnablikið og við höfum verið mjög góðir í því."
„Við fengum færi og við nýttum eitt þeirra gegn algerlega frábæru liði."
Liverpool er fyrir löngu búið að tryggja sér Englandsmeistaratitilinn en Burnley er í níunda sæti með 50 stig.
Athugasemdir