Framtíð Pogba hefur verið rædd í þaula síðustu mánuði en lengi vel var haldið því fram að hann væri á leið frá félaginu. Juventus og Real Madrid voru nefnd til sögunnar og var Pogba þá mikið frá vegna meiðsla.

Hann hefur hins vegar spilað afar vel með liðinu undanfarið og virðist liðið á uppleið. Ole Gunnar Solskjær hefur verið að gera góða hluti og tókst honum að koma liðinu aftur í Meistaradeild Evrópu.

Þá er liðið í góðri stöðu í Evrópudeildinni en Pogba birti færslu á Twitter þar sem hann vísaði í morgundaginn.

Því hefur verið haldið fram Pogba sé að skrifa undir framlengingu á samning sínum hjá United en núverandi samningur rennur út á næsta ári.

Pogba ákvað þó að slá á þessa orðróma og segir færsluna ekki tengjast fótbolta.