Monchi, fyrrum yfirmaður fótboltamála hjá Aston Villa, viðurkennir að félagið hafi haldið að spænski sóknartengiliðurinn Marco Asensio yrði áfram eftir lánsdvölina á síðustu leiktíð.
Asensio gerði flotta hluti á láni frá Paris Saint-Germain en var svo keyptur til Fenerbahce í sumar fyrir um 15 milljónir evra. Hann fékk þriggja ára samning hjá tyrkneska stórveldinu, með möguleika á fjórða ári.
„Markmiðið var að kaupa hann til Villa og ég hélt að hann myndi koma, en það varð ekkert úr því af fjárhagsástæðum. PSG voru mjög harðir í samningaviðræðunum og Marco var orðinn smeykur um að komast ekki burt. Þess vegna ákvað hann að velja Fenerbahce," sagði Monchi.
„Asensio leið vel á Villa Park og vildi vera áfram en félagið gat ekki keypt hann."
Aston Villa kaus að kaupa frekar Evann Guessand úr röðum OGC Nice fyrir rúmlega 30 milljónir evra. Guessand á enn eftir að skora eða leggja upp frá félagaskiptunum.
Asensio er 29 ára gamall en Guessand er 24 ára.
Athugasemdir
