Lokasprettur B-deildarinnar er að klárast og reynir Plymouth hvað það getur til þess að forðast fall.

Staðan var ekki góð í hálfleik. Liðið var marki undir eftir laglegt mark Jesuran Rak-Sakyi.

Allt Plymouth-liðið stillti saman strengi í hálfleik og átti ótrúlega frammistöðu í þeim síðari.

Guðlaugur Victor var með bestu mönnum liðsins og hjálpaði því að sækja sigurinn. Ryan Hardie jafnaði metin á 81. mínútu og sjö mínútum síðar gerði Muhamed Tijani sigurmarkið.

Plymouth er enn á botninum með 40 stig en aðeins þremur stigum frá öruggu sæti og því allt opið fyrir síðustu fjórar umferðir deildarinnar. Þessi úrslit skemmdu um leið fyrir Sheffield United og vonum liðsins um að komast beint upp í úrvalsdeildina.

Sheffield er með 83 stig í 3. sæti, nú fimm stigum á eftir Leeds og Burnley.

Leeds vann 2-1 sigur á Preston á Elland Road. Öll mörkin komu á fyrstu fimmtán mínútum leiksins.

Manor Solomon skoraði strax á 4. mínútu en Kaine Kesler-Hayden svaraði tæpum tveimur mínútum síðar.

Jayden Bogle gerði sigurmark Leeds eftir stoðsendingu Solomon á 13. mínútu.

Stefán Teitur Þórðarson byrjaði hjá Preston en var skipt af velli undir lok leiks.

Leeds er komið aftur á toppinn á meðan Preston er í 16. sæti með 49 stig.

Úrslit og markaskorarar:L

Leeds 2 - 1 Preston NE
1-0 Manor Solomon ('4 )
1-1 Kaine Kesler-Hayden ('6 )
2-1 Jayden Bogle ('13 )

Plymouth 2 - 1 Sheffield Utd
0-1 Jesuran Rak-Sakyi ('44 )
1-1 Ryan Hardie ('81 )
2-1 Muhamed Tijani ('88 )