Þorvaldur Örlygsson, þjálfari ÍA, var að vonum svekktur eftir 5-4 tap sinna manna gegn Keflavík í Pepsi deildinni í kvöld.
Lestu um leikinn: Keflavík 5 - 4 ÍA
ÍA er á botni deildarinnar með átta stig og er ansi ólíklegt að liðið bjargi sæti sínu.
„Þeim fækkar allavega tækifærunum, það er óhætt að segja það. Við verðum að sjá hvernig úrslit verða, en þetta verður alltaf erfiðara og erfiðara,“ sagði Þorvaldur.
,,Það vantaði ekki að við reyndum í dag, við reyndum allan leikinn og vorum inni í þessu í hálfleik. Við gáfum í rauninni frá okkur leikinn. Við skorum fín mörk og spilum vel til að ná þeim, en við erum ekki að ná úrslitum og maður verður að ná úrslitum, annars kemst maður ekki úr þessari baráttu. Við fáum á okkur gríðarlega klaufaleg mörk, það er ekki hægt að komast upp með svona mistök í úrvalsdeild.“
Viðtalið má sjá hér að ofan.
