Jóhann Berg Guðmundsson er tæpur fyrir leik Burnley og Brighton í ensku úrvalsdeildinni um helgina.

Jóhann Berg meiddist á kálfa gegn Wolves fyrir tæpum tveimur vikum og var fjarri góðu gamni í landsleikjunum gegn Moldóvu og Albaníu.

Sean Dyche, stjóri Burnley, vill ekki taka sénsa með Jóhann þar sem hann var talsvert frá keppni vegna meiðsla í kálfa á síðasta tímabili.

„Við þurfum að taka ákvörðun með Jóhann. Á síðasta tímabili var hann nokkrum sinnum í vandræðum með kálfann svo við þurfum að bíða og sjá," sagði Dyche á fréttamannafundi í dag.

Kantmennirnir Dwight McNeil og Robbie Brady eru báðir klárir í slaginn með Burnley eftir meiðsli.

Tweet

Senda a Facebook Hafdu samband Senda frétt Prenta frétt Frétta leit