Ashley Cole mun einbeita sér alfarið að landsliðinu

Cole var ráðinn í þjálfarateymi Lee Carsley í enska landsliðinu í ágúst en hann starfaði áfram í teymi Birmingham sem spilar í C-deildinni.

Carsley var ráðinn til bráðabirgða eftir að Gareth Southgate sagði upp eftir EM en Carsley mun þjálfa liðið a.m.k í næstu sex leikjum. Enskir fjölmiðlar greina frá því að það er leit í gangi að nýjum landsliðsþjálfara.

Cole vann með Carsley hjá U21 árs landsliði Englands ásamt því að vera í teyminu hjá Everton og síðar Birmingham. Willum Þór Willumsson og Alfons Sampsted eru leikmenn Birmingham.