Unglingalandsliðsmaðurinn Alexander Máni Guðjónsson spilaði sinn fyrsta leik með aðalliði danska félagsins Midtjylland í Framtíðarbikarnum í dag.
Þessi 16 ára gamli Stjörnumaður samdi við Midtjylland í sumar eftir að hafa heillað með Stjörnunni og yngri landsliðum Íslands.
Hann hefur spilað með yngri liðum Midtjylland síðan hann gekk í raðir félagsins en fékk loks að spreyta sig með aðalliðinu í dag.
Midtjylland tekur þátt í móti sem nefnist Framtíðarbikarinn, en þar spila leikmenn aðalliðsins og fá margir ungir og efnilegir einnig að stíga sín fyrstu skref.
Alexander byrjaði leikinn en í byrjunarliðinu mátti einnig finna Jonas Lössl, varamarkvörð Midtjylland, Paulinho, Dani Silva og Friday Etim sem eiga allir leiki með aðalliðinu.
Stjörnumaðurinn var eini U17 leikmaðurinn sem spilaði með Midtjylland í leiknum.
Midtjylland tapaði leiknum fyrir ríkjandi meisturum Randers, 3-1, en næsti leikur liðsins er gegn Íslendingaliði SönderjyskE í byrjun næsta árs.
Et ungt FCM-mandskab tabte onsdag med 3-1 til Randers i Future Cup.
— FC Midtjylland (@fcmidtjylland) November 12, 2025
Dyk ned i dysten her ?
Athugasemdir
