Vigdís Lilja Kristjánsdóttir og stöllur hennar í Anderlecht töpuðu fyrir Austria Vín, 1-0, í fyrri leik liðanna í 16-liða úrslitum Evrópubikarsins í Belgíu í kvöld.
Blikinn byrjaði á tréverkinu hjá Anderlecht en kom inn á í hálfleik í þessu nauma tapi.
Hin 19 ára gamla Almedina Sisic skoraði sigurmark Austria á lokamínútunum.
Síðari leikurinn er spilaður í Vín í næstu viku en sigurvegarinn fer áfram í 8-liða úrslit og mætir þar Spörtu Prag eða Young Boys.
Glasgow City og Sporting gerðu þá 1-1 jafntefli í Skotlandi. Pólska landsliðskonan Natalia Wrobel skoraði mark Glasgow á 20. mínútu en Telma Encarnacao jafnaði þegar stundarfjórðungur var til leiksloka.
Úrslit og markaskorarar:
Anderlecht 0 - 1 Austria Vín
0-1 Almedina Sisic ('86 )
Glasgow City 1 - 1 Sporting
1-0 Natalia Wrobel ('20 )
1-1 Telma Encarnacao ('75 )
Athugasemdir
