„Það er frábært að fá hann til liðs við okkur aftur, enda er búist við miklu af honum næstu tímabil. Hann var í byrjunarliði A-landsliðsins í vináttuleik þeirra við Úganda í gær og stóð sig vel," segir á heimasíðu KR en Finnur lék sinn fyrsta landsleik í gær.

„Við bjóðum Finn Tómas velkominn í hópinn og hlökkum til að fylgjast með honum á vellinum í sumar."

Finnur verður 21 árs gamall í næsta mánuði. Hann var valinn efnilegasti leikmaður Pepsi Max-deildarinnar 2019 þegar hann lék frábærlega, átján ára gamall, við hlið Arnórs Sveins Aðalsteinssonar þegar KR varð Íslandsmeistari.