Sevilla og Girona svo gott sem búin að forðast fall
Orri Steinn Óskarsson hefur verið meiddur undanfarnar vikur og var ekki í hóp hjá Real Sociedad í dag.
Sociedad tók á móti Celta Vigo í gríðarlega mikilvægum slag fyrir félagið. Sigur hefði stóraukið líkur liðsins á að ná Evrópusæti á deildartímabilinu en Sociedad tapaði leiknum, 0-1, þrátt fyrir að hafa verið sterkara liðið á vellinum.
Sóknarleikmenn Sociedad nýttu ekki færin sín en liðið hefur verið í gríðarlega miklum vandræðum með markaskorun á leiktíðinni. Aðeins tvö lið í deildinni hafa skorað færri mörk heldur en Real Sociedad og er annað þeirra löngu fallið botnlið Real Valladolid.
Alfonso 'Alfon' González skoraði eina mark leiksins undir lok fyrri hálfleiks, en Celta Vigo átti aðeins tvær marktilraunir sem hæfðu rammann í leiknum.
Celta er í góðri stöðu í Evrópubaráttunni eftir þennan sigur. Liðið situr í Evrópudeildarsæti, fimm stigum á undan næstu liðum sem eiga þó leik til góða.
Spútnik lið síðustu leiktíðar Girona er þá svo gott sem búið að bjarga sér frá falli eftir mikið vonbrigðatímabil. Girona var í fallbaráttunni þar til fyrir skömmu, en liðið er núna komið sjö stigum frá fallsæti.
Girona heimsótti botnlið Valladolid í dag og skóp nauman 0-1 sigur í nokkuð jöfnum leik, þökk sé sigurmarki frá Cristhian Stuani.
Að lokum hafði Sevilla betur gegn Las Palmas í fallbaráttuslag. Þetta var fjórði tapleikur Las Palmas í röð og þarf liðið núna að sigra síðustu tvo deildarleiki sína til að eiga möguleika á að forðast fall.
Álvaro Pascual skoraði eina mark leiksins í 1-0 sigri Sevilla sem er jafnt Girona á stigum í neðri hluta deildarinnar.
Real Sociedad 0 - 1 Celta
0-1 Alfon Gonzalez ('44 )
Valladolid 0 - 1 Girona
0-1 Christian Stuani ('80 )
Sevilla 1 - 0 Las Palmas
1-0 Alvaro Pascual ('52 )
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 38 | 28 | 4 | 6 | 102 | 39 | +63 | 88 |
| 2 | Real Madrid | 38 | 26 | 6 | 6 | 78 | 38 | +40 | 84 |
| 3 | Atletico Madrid | 38 | 22 | 10 | 6 | 68 | 30 | +38 | 76 |
| 4 | Athletic | 38 | 19 | 13 | 6 | 54 | 29 | +25 | 70 |
| 5 | Villarreal | 38 | 20 | 10 | 8 | 71 | 51 | +20 | 70 |
| 6 | Betis | 38 | 16 | 12 | 10 | 57 | 50 | +7 | 60 |
| 7 | Celta | 38 | 16 | 7 | 15 | 59 | 57 | +2 | 55 |
| 8 | Osasuna | 38 | 12 | 16 | 10 | 48 | 52 | -4 | 52 |
| 9 | Vallecano | 38 | 13 | 13 | 12 | 41 | 45 | -4 | 52 |
| 10 | Mallorca | 38 | 13 | 9 | 16 | 35 | 44 | -9 | 48 |
| 11 | Valencia | 38 | 11 | 13 | 14 | 44 | 54 | -10 | 46 |
| 12 | Real Sociedad | 38 | 13 | 7 | 18 | 35 | 46 | -11 | 46 |
| 13 | Alaves | 38 | 10 | 12 | 16 | 38 | 48 | -10 | 42 |
| 14 | Getafe | 38 | 11 | 9 | 18 | 34 | 39 | -5 | 42 |
| 15 | Espanyol | 38 | 11 | 9 | 18 | 40 | 51 | -11 | 42 |
| 16 | Sevilla | 38 | 10 | 11 | 17 | 42 | 55 | -13 | 41 |
| 17 | Girona | 38 | 11 | 8 | 19 | 44 | 60 | -16 | 41 |
| 18 | Leganes | 38 | 9 | 13 | 16 | 39 | 56 | -17 | 40 |
| 19 | Las Palmas | 38 | 8 | 8 | 22 | 40 | 61 | -21 | 32 |
| 20 | Valladolid | 38 | 4 | 4 | 30 | 26 | 90 | -64 | 16 |
Athugasemdir
