Það var heldur betur stemmning í Víkinni á laugardagskvöldið þegar U21 landslið Íslands tryggði sér sæti í umspili um sæti á EM.
Liðið vann þá Kýpur 5 - 0 á heimavelli á sama tíma og Portúgal vann Grikkland og því ljóst að Ísland endaði riðilinn í 2. sæti sem er umspilssæti. Leikið verður í haust en dregið 21. júní.
Níu leikmenn A-landsliðsins eru gjaldgengir í U21 og þeir voru mættir í stúkuna í Víkinni og samglöddust liðsfélögum sínum.
Í haust gæti komið upp vandamál í vali A-landsliðsins sem mætir Albaníu í Þjóðadeildinni á sama tíma og umspilsleikirnir fara fram. Hvaða leikmenn verða í hvoru landsliði?
Myndirnar að neðan sýna nokkra landsliðsmenn samgleðjast.
Athugasemdir