AC Milan tók á móti Udinese í fyrstu umferð ítalska deildartímabilsins og hófu meistararnir titilvörnina á sigri.
Miðvörðurinn Rodrigo Becao skoraði fyrsta mark tímabilsins strax á annarri mínútu þegar hann kom gestunum frá Udine yfir. Heimamenn voru ekki lengi að snúa stöðunni við því Theo Hernandez jafnaði úr vítaspyrnu á 11, mínútu og svo skoraði Ante Rebic skömmu síðar.
Milan leiddi 2-1 allt þar til undir lok fyrri hálfleiks þegar vinstri bakvörðurinn Adam Masina, sem er nýkominn til Udinese eftir fjögur ár hjá Watford, jafnaði leikinn.
Brahim Diaz, sem lék í holunni fyrir aftan Rebic, átti stórgóðan seinni hálfleik. Hann skoraði strax á fyrstu mínútu eftir leikhlé og lagði svo upp markið sem gerði út um viðureignina. Rebic skoraði það mark og kláraði því leikinn með tvennu í fjarveru Olivier Giroud, Divock Origi og Zlatan Ibrahimovic.
AC Milan 4 - 2 Udinese
0-1 Rodrigo Becao ('2)
1-1 Theo Hernandez ('11, víti)
2-1 Ante Rebic ('15)
2-2 Adam Masina ('45)
3-2 Brahim Diaz ('46)
4-2 Ante Rebic ('68)
Sampdoria tók þá á móti Atalanta og komu heimamenn boltanum í netið snemma leiks en markið ekki gilt vegna rangstöðu.
Rafael Toloi skoraði fyrsta markið á 26. mínútu og var Atalanta með góða stjórn á nokkuð lokuðum leik.
Heimamenn fengu afar lítið af færum og þegar þeir blésu til sóknar á lokamínútunum gerði Ademola Lookman út um viðureignina.
Lookman er nýr leikmaður Atalanta og kom hann inn af bekknum á 63. mínútu. Það verður áhugavert að fylgjast með honum í Serie A í vetur.
Hann skoraði 6 mörk í 26 úrvalsdeildarleikjum með Leicester á síðustu leiktíð og hefur einnig leikið fyrir RB Leipzig og Everton á ferlinum.
Sampdoria 0 - 2 Atalanta
0-1 Rafael Toloi ('26)
0-2 Ademola Lookman ('95)
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Inter | 32 | 26 | 5 | 1 | 77 | 17 | +60 | 83 |
2 | Milan | 32 | 21 | 6 | 5 | 63 | 37 | +26 | 69 |
3 | Juventus | 33 | 18 | 10 | 5 | 47 | 26 | +21 | 64 |
4 | Bologna | 32 | 16 | 11 | 5 | 45 | 25 | +20 | 59 |
5 | Roma | 31 | 16 | 7 | 8 | 56 | 35 | +21 | 55 |
6 | Lazio | 33 | 16 | 4 | 13 | 42 | 35 | +7 | 52 |
7 | Atalanta | 31 | 15 | 6 | 10 | 57 | 36 | +21 | 51 |
8 | Napoli | 32 | 13 | 10 | 9 | 50 | 40 | +10 | 49 |
9 | Torino | 32 | 11 | 12 | 9 | 31 | 29 | +2 | 45 |
10 | Fiorentina | 31 | 12 | 8 | 11 | 43 | 36 | +7 | 44 |
11 | Monza | 32 | 11 | 10 | 11 | 34 | 41 | -7 | 43 |
12 | Genoa | 33 | 9 | 12 | 12 | 35 | 40 | -5 | 39 |
13 | Cagliari | 33 | 7 | 11 | 15 | 36 | 56 | -20 | 32 |
14 | Lecce | 32 | 7 | 11 | 14 | 27 | 48 | -21 | 32 |
15 | Verona | 32 | 6 | 10 | 16 | 30 | 44 | -14 | 28 |
16 | Udinese | 31 | 4 | 16 | 11 | 30 | 47 | -17 | 28 |
17 | Empoli | 32 | 7 | 7 | 18 | 25 | 48 | -23 | 28 |
18 | Frosinone | 32 | 6 | 9 | 17 | 40 | 63 | -23 | 27 |
19 | Sassuolo | 32 | 6 | 8 | 18 | 39 | 62 | -23 | 26 |
20 | Salernitana | 32 | 2 | 9 | 21 | 26 | 68 | -42 | 15 |