Marcus Rashford fagnar.
Chelsea hefur áhuga á Araujo.
Landsleikjaglugginn er í fullum gangi og Ísland mætir Frakklandi á Laugardalsvelli í kvöld. Það er nokkuð rólegt yfir slúðrinu núna en það má þó alltaf finna eitthvað áhugavert í Powerade pakkanum.
Barcelona er tilbúið að nýta möguleika á því að kaupa Marcus Rashford (27) alfarið frá Manchester United en hann er hjá félaginu á lánssamningi. Talið er að klásúlan sé um 30 milljónir punda. (Sun)
Barcelona mun ekki endurnýja samning við pólska sóknarmanninn Robert Lewandowski (37) þegar núgildandi samningur rennur út næsta sumar. (Sport)
Enski landsliðsmarkvörðurinn Jordan Pickford (31) mun framlengja dvöl sína hjá Everton og gera nýjan langtímasamning. (Times)
Zinedine Zidane, fyrrum stjóri Real Madrid, hyggst snúa aftur í þjálfun og lýsir yfir áhuga á því að þjálfa franska landsliðið. (Mirror)
Newcastle United skoðar það að lána danska framherjann William Osula (22) í janúar, en bara ef aðrir sóknarleikmenn liðsins eru heilir. (Football Insider)
Arsenal íhugar að reyna að fá miðjumanninn Lucien Agoume (23) frá Sevilla í janúar. (Fichajes)
Chelsea hefur áhuga á Ronald Araujo (26), varnarmanni Barcelona, en mun ólíklega gera tilboð í janúar. (Football Insider)
Tottenham Hotspur, Liverpool og Aston Villa er meðal enskra úrvalsdeildarfélaga sem fylgjast með miðverðinum Tylel Tati (17) hjá Nantes. (Caughtoffside)
Þjóðverjinn Danny Röhl (36), fyrrum stjóri Sheffield Wednesday, er talinn líklegastur til að taka við Rangers í Glasgow. Kieran McKenna stjóri Ipswich og Ralph Hasenhuttl fyrrum stjóri Southampton eru einnig á blaði. (Sky Sports)
Athugasemdir
