| þri 14. janúar 2020 12:30 |
|
Topp tíu - Bestu leikmennirnir í enska utan stóru sex
Football365 hefur sett saman lista yfir bestu leikmenn ensku úrvalsdeildarinnar fyrir utan sex stærstu félögin. Reglan var sú að aðeins tveir leikmenn úr hverju liði eru löglegir á þennan lista.
10) Adama Traore (Wolves) - Hefur verið hrikalega öflugur á vængnum hjá Úlfunum á þessu tímabili.
9) Lukasz Fabianski (West Ham) - Algjör lykilmaður hjá Hömrunum, eins og best hefur sést þegar hann hefur verið fjarverandi.
8) Abdoulaye Doucoure (Watford) - Algjör lykilmaður á miðju hjá Watford og Nigel Pearson hefur gefið honum gott frjálsræði á miðjunni.
7) Danny Ings (Southampton) - Skorar og skorar. Bankar á landsliðsdyrnar.
6) Lucas Digne (Everton) - Franski vinstri bakvörðurinn er frábært vopn.
5) Wilfried Zaha (Crystal Palace) - Vængmaðurinn er á ansi mörgum óskalistum.
4) Jamie Vardy (Leicester) - Geggjaður sóknarmaður sem er alltaf líklegur.
3) Joao Moutinho (Wolves) - Býr yfir gríðarlegri reynslu og finnur sig vel hjá Úlfunum.
2) James Maddison (Leicester) - Skilar magnaðri frammistöðu viku eftir viku.
1) Jack Grealish (Aston Villa) - Hefur þroskast mikið á síðustu árum. Með gríðarlegan sköpunarmátt og án hans ætti Aston Villa ekki von um að halda sæti sínu.
Athugasemdir
Nýjustu fréttirnar
11:30
10:30
06:00
23:30
22:36
