Fótbolti.net

HM Álitið: Hvaða frægi verður mest áberandi í stúkunni?

Albert: Þetta er auðvitað geitin í leiknum

Jón Dagur: Alvaran hefst í haust

Orri: Hann byrjaði að skapa mikinn usla á milli línanna

Fyrsta landsliðsmarkið komið: „Það var bara ekkert annað hægt en að slútta þessu“

Glódís hreinskilin: Veit ekki hvernig þetta umspil virkar

Diljá Ýr: Ennþá með sama markmið

HM Álitið: Hvaða leikmaður springur út?

HM Álitið: Hverjir verða spútnik liðið?

„Kom mér lítið á óvart að hafa fengið þetta tækifæri“

HM Álitið: Hvaða lið vinnur mótið?

Munur á Spáni og Íslandi - „Gylfi Sig á miðjunni og einhver rafvirki í vinstri bakverði“

Tómas Bent fer yfir tímabilið í Skotlandi - „Ákveðin pyntingaraðferð“

HM Álitið: Hver verður efnilegastur?

Þekkir að spila yfir sumarið í Bandaríkjunum - „Held það sé enginn líkami sem geti vanist því"

„Ekki jafn frjálst og á Íslandi, sérstaklega ef maður var í KR“

HM Álitið: Hver verður bestur?

Kennie bestur í maí - „Lengsta frí sem Rúnar hefur gefið mér“

Hákon Arnar: Vona að Messi spili

Gylfi um skilaréttsmálið: Meira en ánægður að hafa skipt

fös 14. janúar 2022 17:39

Sæbjörn Þór Þórbergsson Steinke

„Svo hringdi FH, mér leist vel á það og tók sénsinn"

Máni Austmann

Mynd: FH

Máni og Vuk saman í Leikni - Sólon Breki fylgir með!

Mynd: Fótbolti.net - Hafliði Breiðfjörð

Máni Austmann Hilmarsson gekk í vikunni í raðir FH frá Leikni Reykjavík þar sem hann hefur spilað síðustu tvö ár. Máni, sem er 23 ára kantmaður, er uppalinn í Stjörnunni en fór ungur út til Kaupmannahafnar og lék með unglingaliðum FCK.

Hann ræddi um félagaskiptin við Fótbolta.net í dag. Viðtalið í heild má sjá í spilaranum að ofan.

Sjá einnig:
Yfirgaf FCK en var ekki tilbúinn - Fann sig loksins hjá Leikni

„Það er frábært að vera kominn í FH, stór klúbbur, vinningshefð og ég hlakka ógeðslega til tímans með FH. Þetta tók stuttan tíma, fékk símtal frá Davíð [Þór Viðarssyni] og Óla [Ólafi Jóhannessyni], mér leist strax vel á þetta og ákvað að taka sénsinn og kýla á þetta," sagði Máni.

„Ég var í samningsviðræðum við Leikni, það gekk allt í lagi en ég var ekki alveg sáttur og ætlaði að ná samkomulagi um samning. Svo hringdi FH, mér leist vel á það og ég tók sénsinn."

„Það kom mér smá á óvart að FH hafði samband. Ég veit að ég er góður leikmaður og spilaði vel í sumar en mörkin komu ekki eins og allir vita. Svo hringir FH sem er risaklúbbur og mér leist vel á það. Þetta er frábær klúbbur, aðstaðan er frábær, leikmennirnir eru frábærir og þjálfararnir líka. Þannig það er allt frábært þarna. Samtölin við þjálfarana hafa verið góð. Óli og Bjössi eru mjög skemmtilegir."

Þú hittir fyrir Vuk Oskar Dimitrijevic sem þú varst með hjá Leikni. Hvernig tók hann í að þú værir mættur í FH? „Hann tók þessu mjög vel, hann er mjög skemmtilegur en líka svo steiktur - hann er frábær."

„Það var kannski ekki erfitt að fara frá Leikni en ég á frábæra vini þarna, var þar í tvö ár og eignaðist marga mjög góða vini. Ég talaði við þá alla þegar ég var búinn að taka ákvörðun og þeir voru bara ánægðir fyrir mína hönd."

Máni lenti í bílslysi síðasta haust og var frá í nokkrar vikur. Hann er búinn að spila æfingaleiki með Leikni svo standið á honum er fínt og hann segir skrokkinn vera góðan.

Samkeppnin hjá FH, hún er talsvert meiri en hjá Leikni. „Ég hlakka bara til, þetta eru ótrúlega góðir leikmenn í minni stöðu. Þegar ég fæ sénsinn þá verð ég að grípa hann og ég þarf að læra af þeim. Ég hlakka til að gera það, þetta eru frábærir leikmenn. Já, ég hef fulla trú á því að ég geti unnið mér sæti í byrjunarliðinu," sagði Máni að lokum.