Kolbeinn Sigþórsson er enn í myndinni hjá Erik Hamren landsliðsþjálfara og greinilegt að sá sænski fylgist grannt með gangi mála hjá sóknarmanninum.

„Ég vona að hann verði klár í júní en við vitum ekki hvað gerist næst í hans málum. Ég er bjartsýnn á eitthvað gott muni koma upp hjá honum," segir Hamren.

Kolbeinn er ekki í landsliðshópnum sem kynntur var í dag en hann er án félags eftir að samningi hans við Nantes var rift.

Ísland er að fara að leika gegn Andorra og Frakklandi en í júní koma svo leikir gegn Albaníu og Tyrklandi.