Ólafur Þórðarson, þjálfari Víkings, var rekinn upp í stúku í hálfleik í leik liðsins gegn Breiðabliki í kvöld.
„Ég var ósáttur við að hann skyldi ekki dæma vítaspyrnu þegar Andri er ekki tekin niður í teignum hjá Blikunum. Það sáu það allir á vellinum en ég veit ekki hvort hann sá það ekki eða þorði ekki að dæma. Það er eitthvað sem Garðar verður að gera upp við sjálfan sig," sagði Ólafur við fjölmiðla eftir leik.
„Ég var ósáttur við að hann skyldi ekki dæma vítaspyrnu þegar Andri er ekki tekin niður í teignum hjá Blikunum. Það sáu það allir á vellinum en ég veit ekki hvort hann sá það ekki eða þorði ekki að dæma. Það er eitthvað sem Garðar verður að gera upp við sjálfan sig," sagði Ólafur við fjölmiðla eftir leik.
Lestu um leikinn: Breiðablik 4 - 1 Víkingur R.
Ólafur gagnrýndi Garðar Örn Hinriksson dómara þegar flautað var til leikhlés í dag. Hann segist ekki hafa farið yfir strikið í gagnrýni sinni. „Nei, enganvegin en þeir þola oft ekki sannleikann. Maður á að fá að segja sannleikann. Er það ekki það sem fólki er innrætt í dag?"
Blikar unnu leikinn í dag 4-1 eftir að hafa komist í 2-0 í fyrri hálfleik.
„Blikarnir voru miklu grimmari og komu ákveðnir til leiks. Þeir settu á okkur tvö mörk í fyrri hálfleik sem við erum aular að verja ekki. Eftir það er róðurinn þungur."
Milos Milojevic sem þjálfar Víking með Ólafi er úti í Serbíu á þjálfaranámskeiði. Ólafur má stýra Víkingi í bikarleik gegn Aftureldingu á fimmtudag en hann verður í banni gegn Fjölni um næstu helgi. Hver stýrir Víkingi á hliðarlínunni þar? „Það kemur í ljós," sagði Ólafur sposkur.
Hér að ofan má sjá viðtalið í heild sinni.
