Þróttarar eru í miklum erfiðleikum.
Þróttur Reykjavík er stigalaust á botni Lengjudeildarinnar en í fyrra bjargaði liðið sér naumlega frá falli. Síðasti sigurleikur Þróttar á Íslandsmóti var 30. júlí 2019, sigur gegn Haukum sem féllu svo úr deildinni.
Fjallað var um þetta í Innkastinu hér á Fótbolta.net.
„Það er mjög líklegt að þeir fari í gegnum heilt ár án þess að vinna leik. Keflavík, Fram og ÍBV eru komandi leikir. Þeir þurfa að vinna einhvern af þessum leikjum ef þeir ætla ekki að fara í gegnum tólf mánuði án sigurs," segir Elvar Geir.
„Þetta er sorgarsaga í Laugardalnum og ekkert minna en það. Þróttur er stemningsfélag með geggjaða stuðningsmenn. Þróttur er lið sem á að vera lið sem spila stórskemmtilegan fótbolta en ekki hanga í vörn og vona það besta," segir Ingólfur Sigurðsson.
Undir stjórn Gunnars Guðmundssonar hefur Þrótti aðeins tekist að skora eitt mark í fimm fyrstu leikjum Lengjudeildarinnar, sárabótamark gegn Leikni.
Fjallað var um þetta í Innkastinu hér á Fótbolta.net.
„Það er mjög líklegt að þeir fari í gegnum heilt ár án þess að vinna leik. Keflavík, Fram og ÍBV eru komandi leikir. Þeir þurfa að vinna einhvern af þessum leikjum ef þeir ætla ekki að fara í gegnum tólf mánuði án sigurs," segir Elvar Geir.
„Þetta er sorgarsaga í Laugardalnum og ekkert minna en það. Þróttur er stemningsfélag með geggjaða stuðningsmenn. Þróttur er lið sem á að vera lið sem spila stórskemmtilegan fótbolta en ekki hanga í vörn og vona það besta," segir Ingólfur Sigurðsson.
Undir stjórn Gunnars Guðmundssonar hefur Þrótti aðeins tekist að skora eitt mark í fimm fyrstu leikjum Lengjudeildarinnar, sárabótamark gegn Leikni.
Dómgæslan ekki að falla með Þrótturum
Eins og oft vill verða hjá liðum sem eru í basli þá fellur dómgæslan ekki með Þrótturum. Um liðna helgi tapaði liðið 1-0 fyrir Vestra þar sem eina markið kom í blálokin.
„Þetta mark kom eftir horn sem Vestri átti alls ekki að fá. Svo sýndist mér vera hendi líka í aðdragandanum. Mjög svekkjandi fyrir Þróttara," segir Elvar í Innkastinu.
Smelltu hér til að sjá sigurmark Vestra
Hér að neðan má hlusta á Innkastið.
Gunnar Guðmundsson, þjálfari Þróttar.
Athugasemdir
