Sandra er fyrrum landsliðsmarkvörður.
Sandra í leik á Laugardalsvelli.
Fyrrum landsliðsmarkvörðurinn æfði með FH á hybrid-grasinu í Laugardalnum í gær og hún verður í hópnum þegar FH mætir Breiðablik í úrslitaleik Mjólkurbikarsins á laugardag.
Þetta staðfesti Guðni Eiríksson, þjálfari FH, í samtali við Fótbolta.net í dag.
Þetta staðfesti Guðni Eiríksson, þjálfari FH, í samtali við Fótbolta.net í dag.
Sandra tók hanskana fram af hillunni til að hjálpa FH eftir að Aldís Guðlaugsdóttir sleit krossband fyrr á tímabilinu. Hún spilaði fjóra leiki með FH í Bestu deildinni og einn í Mjólkurbikarnum.
Bandaríski markvörðurinn Macy Elizabeth Enneking gekk í raðir FH í síðasta mánuði og hefur staðið í markinu í síðustu leikjum. FH hefur hins vegar ekki verið með varamarkvörð og verður Sandra í hópnum á laugardaginn.
„Hún er í hópnum á laugardaginn," sagði Guðni en er hún að fara að spila?
„Það kemur í ljós!"
„Sandra er leikmaður sem hefur gert svona hluti áður. Spilað á þessum velli og það er dýrmætt að geta sótt í reynslu slíkra leikmanna. Það er nánast enginn FH-ingur sem hefur gert þetta og það er frábært að hún sé tilbúin að hjálpa liðinu."
Hægt verður að sjá viðtalið við Guðna í heild sinni á morgun.
Athugasemdir
