Það var mikið um ónotaða varamenn frá Íslandi í leikjum dagsins víða um Evrópu. Hólmbert Aron Friðjónsson sat til að mynda á bekknum í flottum sigri Gwangju í Suður-Kóreu.
Gwangju er í 5. sæti deildarinnar og í harðri baráttu um sæti í asísku Meistaradeildinni.
Nökkvi Þeyr Þórisson horfði þá á liðsfélaga sína í liði Sparta Rotterdam sigra Excelsior á útivelli. Sparta er með 9 stig eftir 5 umferðir í hollensku deildinni.
Í næstefstu deild í Þýskalandi sat Brynjar Ingi Bjarnason á bekknum í stóru tapi Greuther Fürth gegn Kaiserslautern. Brynjar og félagar eiga 6 stig eftir 5 umferðir.
Valgeir Lunddal Friðriksson var þá ekki með vegna smávægilegra meiðsla er Fortuna Düsseldorf vann á útivelli og er með 7 stig.
Breki Baldursson kom ekki við sögu í 3-0 tapi Esbjerg í næstefstu deild í Danmörku. Esbjerg er tveimur stigum frá toppnum eftir þetta tap.
Hákon Arnar Haraldsson missti af endurkomusigri Lille á heimavelli gegn Toulouse vegna meiðsla. Lille er í öðru sæti frönsku deildarinnar eftir þennan sigur, með 10 stig eftir 4 umferðir.
Þá var Brynjólfur Andersen Willumsson einnig fjarverandi vegna meiðsla er Groningen lagði Utrecht að velli í hollenska boltanum. Kolbeinn Birgir Finnsson var ónotaður varamaður í liði Utrecht en bæði lið eiga 9 stig eftir 5 leiki.
Róbert Frosti Þorkelsson var ekki með í tapi GAIS í Svíþjóð og byrjaði Guðmundur Þórarinsson á bekknum í sigri FC Noah í Armeníu.
Sverrir Ingi Ingason var ónotaður varamaður í tapleik hjá Panathinaikos í grísku deildinni og var Hilmir Rafn Mikaelsson ekki í hóp í 2-2 jafntefli hjá Viking í Noregi. Viðar Ari Jónsson var ónotaður varamaður í tapi HamKam á heimavelli.
Suwon 2 - 4 Gwangju
Excelsior 0 - 1 Sparta Rotterdam
Greuther Furth 0 - 3 Kaiserslautern
Preussen Munster 1 - 2 Dusseldorf
Hillerod 3 - 0 Esbjerg
Utrecht 0 - 1 Groningen
Lille 2 - 1 Toulouse
Sirius 3 - 0 GAIS
Kifisia 3 - 2 Panathinaikos
HamKam 1 - 2 Stromsgodset
KFUM Oslo 2 - 2 Viking
Athugasemdir
