Samantha Smith byrjaði af krafti í kvöld. Hún kom Breiðabliki yfir eftir aðeins þriggja mínútna leik.

Hún fékk sendingu inn á teiginn frá Heiðu Ragney og skoraði af öryggi. Samantha bætti öðru markinu við stuttu síðar þegar hún tók skot fyrir utan teig og boltinn söng í netinu.

Aðeins fimm mínútum síðar skoraði Berglind Björg Þorvaldsdóttir þriðja mark Breiðabliks. Í kjölfarið kom svo fjórða markið þegar Agla María Albertsdóttir skoraði úr þröngu færi. Eftir rúmlega hálftíma leik var Berglind Björg óvölduð inn á teignum og skoraði sitt annað mark og fimmta mark Breiðabliks.

Áður en flautað var til loka fyrri hálfleiks tókst Úlfu Dís Kreye Úlfarsdóttur að klóra í bakkann fyrir Stjörnuna. Blikar voru ekki hættir því Karitas Tómasdóttir skoraði sjötta og síðasta mark leiksins með góðu skoti í samskeytin.

Þróttur var með yfirburði í upphafi leiks gegn Fram. Freyja Karín Þorvarðardóttir braut ísinn og bætti öðru marki við undir lok fyrri hálfleiks þegar hún slapp ein í gegn.

Þegar stundafjórðungur var til loka venjulegs leiktíma skoraði Murielle Tiernan fyrir Fram og setti spennu í leikinn. En það var hins vegar Þórdís Elva Ágústsdóttir sem innsiglaði sigur Þróttar þegar hún setti boltann í tómt markið.

Breiðablik 6 - 1 Stjarnan
1-0 Samantha Rose Smith ('3 )
2-0 Samantha Rose Smith ('15 )
3-0 Berglind Björg Þorvaldsdóttir ('20 )
4-0 Agla María Albertsdóttir ('26 )
5-0 Berglind Björg Þorvaldsdóttir ('33 )
5-1 Úlfa Dís Kreye Úlfarsdóttir ('38 )
6-1 Karitas Tómasdóttir ('77 )
Lestu um leikinn

Þróttur R. 3 - 1 Fram
1-0 Freyja Karín Þorvarðardóttir ('26 )
2-0 Freyja Karín Þorvarðardóttir ('45 )
2-1 Murielle Tiernan ('74 )
3-1 Þórdís Elva Ágústsdóttir ('93 )
Lestu um leikinn