Höjbjerg, sem er 24 ára gamall, var sviptur fyrirliðabandinu hjá Southampton í júní eftir að það slitnaði upp úr samningaviðræðum en hann á aðeins ár eftir af samningnum.

Hann hefur aðeins komið við sögu í þremur leikjum eftir að deildin fór aftur af stað og vill hann komast frá félaginu í sumar.

Jose Mourinho, knattspyrnustjóri Tottenham, hefur mikinn áhuga á að fá danska leikmanninn í sumar en Southampton vill fá 35 milljón punda fyrir hann.

Mourinho mun færa Eric Dier alfarið í vörnina og þá gæti Kyle Walker-Peters farið í skiptum en hann er á láni hjá Southampton frá Tottenham.