Spánn: Courtois skoraði næstum í jafntefli Real

Valencia tók á móti Real Madrid í síðasta leik kvöldsins í La Liga. Gestirnir frá Madríd gátu tekið toppsætið af Barcelona með sigri.

Staðan var markalaus eftir fyrri hálfleik og tóku heimamenn forystuna á 78. mínútu.

Carlos Soler skoraði þá auðvelt mark eftir góða sendingu frá Daniel Wass.

Gestirnir náðu ekki að svara með marki þar til á lokasekúndunum. Thibaut Courtois var þá mættur í vítateig andstæðinganna og vann hann skallabolta í vítateignum. Jaume Domenech tókst ekki að handsama knöttinn heldur varði hann út í teiginn þar sem Karim Benzema tókst að pota inn dramatísku jöfnunarmarki.

Real er því jafn Barca á stigum en vermir annað sætið útaf markatölu. Valencia er einu stigi frá Evrópusæti og þremur stigum frá Meistaradeild.