Barcelona spilaði sinn fyrsta opinbera heimaleik á nýju deildartímabili í spænska boltanum um helgina.
Sá leikur fór fram á 6000 manna Johan Cruyff leikvangi sem kvennaliðið, varaliðið og unglingaliðið nota sem aðalvöll.
Leikvangurinn er innan um íbúðahúsnæði og er frábært útsýni frá svölum úr blokk beint á móti vellinum.
Þar tóku íbúar upp á því að selja svalarpláss fyrir allt frá 500 evrum upp í 800 eða jafnvel 1000 evrur, eftir að stuðningsmenn Barcelona sem höfðu ekki náð miða á leikinn spurðust fyrir.
Börsungar unnu leikinn 6-0 þar sem Fermín López, Raphinha og Robert Lewandowski skoruðu sitthvora tvennuna.
„Þetta var klikkað. Það voru stuðningsmenn fyrir utan allan daginn að hringja dyrabjöllum til að spyrja hvort einhver myndi hleypa þeim upp á þak," sagði einn íbúinn degi eftir leik.
„Við tókum sameiginlega ákvörðun um að læsa öllu aðgengi að þakinu. Við bjuggumst við þessu, það var búið að vara okkur við."
Spánarmeistarar Barcelona eru í öðru sæti deildarinnar með 10 stig eftir 4 umferðir. Þeir eru búnir að spila þrjá útileiki og einn heimaleik vegna framkvæmda á Camp Nou.
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Real Madrid | 4 | 4 | 0 | 0 | 8 | 2 | +6 | 12 |
| 2 | Barcelona | 4 | 3 | 1 | 0 | 13 | 3 | +10 | 10 |
| 3 | Espanyol | 4 | 3 | 1 | 0 | 8 | 5 | +3 | 10 |
| 4 | Athletic | 4 | 3 | 0 | 1 | 6 | 4 | +2 | 9 |
| 5 | Getafe | 4 | 3 | 0 | 1 | 6 | 4 | +2 | 9 |
| 6 | Villarreal | 4 | 2 | 1 | 1 | 8 | 3 | +5 | 7 |
| 7 | Alaves | 4 | 2 | 1 | 1 | 4 | 3 | +1 | 7 |
| 8 | Elche | 4 | 1 | 3 | 0 | 6 | 4 | +2 | 6 |
| 9 | Betis | 5 | 1 | 3 | 1 | 6 | 6 | 0 | 6 |
| 10 | Osasuna | 4 | 2 | 0 | 2 | 3 | 2 | +1 | 6 |
| 11 | Atletico Madrid | 4 | 1 | 2 | 1 | 5 | 4 | +1 | 5 |
| 12 | Celta | 5 | 0 | 4 | 1 | 4 | 6 | -2 | 4 |
| 13 | Sevilla | 4 | 1 | 1 | 2 | 7 | 7 | 0 | 4 |
| 14 | Vallecano | 4 | 1 | 1 | 2 | 4 | 5 | -1 | 4 |
| 15 | Valencia | 4 | 1 | 1 | 2 | 4 | 8 | -4 | 4 |
| 16 | Oviedo | 4 | 1 | 0 | 3 | 1 | 7 | -6 | 3 |
| 17 | Real Sociedad | 4 | 0 | 2 | 2 | 4 | 6 | -2 | 2 |
| 18 | Levante | 4 | 0 | 1 | 3 | 5 | 9 | -4 | 1 |
| 19 | Mallorca | 4 | 0 | 1 | 3 | 4 | 9 | -5 | 1 |
| 20 | Girona | 4 | 0 | 1 | 3 | 2 | 11 | -9 | 1 |
Athugasemdir
